İlkinxeber.az informasiya agentliyi məlumat verir ki, Azərbaycanın bir sıra rayonlarında yanğın hadisələrinə səbəb olan şəxslər müəyyən edilərək məsuliyyətə cəlb olunublar.
Daxili İşlər Nazirliyinin (DİN) Mətbuat Xidmətindən bildirilib ki, ötən gün Ağsu rayonunun Ərəbmehdibəyli, Cəlilabad rayonunun Alar, Sabirabad rayonunun Nərimankənd və Saatlı rayonunun Qaracalar kəndləri ərazilərində baş verən yanğınlarla bağlı araşdırma aparılıb.
Polis əməkdaşlarının keçirdiyi tədbirlər nəticəsində yanğın hadisələrinə səbəb olan 5 nəfərin şəxsiyyəti müəyyən edilib.
Həmin şəxslər barəsində qanunvericiliyə uyğun olaraq müvafiq tədbirlər görülüb.
