İlham Əliyev Qırğızıstana səfərindən danışdı: “Müttəfiqlik münasibətləri ən yüksək səviyyəyə qalxdı”
Azərbaycan Prezidenti İlham Əliyev Qırğızıstana yenidən səfər etməkdən məmnunluğunu ifadə edib.
ilkinxeber.az informasiya agentliyi xəbər verir ki, dövlət başçısı bunu Bişkekdə keçirilən “ŞƏT plyus” formatında görüşdə çıxışı zamanı deyib.
Prezident bildirib ki, bir ay əvvəl Qırğızıstana dövlət səfəri çərçivəsində iki ölkə arasında müttəfiqlik münasibətləri haqqında Müqavilə imzalanıb.
İlham Əliyevin sözlərinə görə, həmin tarixi sənəd Azərbaycan-Qırğızıstan münasibətlərini ən yüksək səviyyəyə qaldırıb.
Dövlət başçısı Azərbaycan-Ermənistan münasibətlərinə də toxunub. O qeyd edib ki, bir ildən bir qədər əvvəl Azərbaycan və Ermənistan sülh sazişinin mətnini paraflayaraq 30 illik münaqişəyə son qoyublar.
Prezident vurğulayıb ki, uzun illər münaqişə zonası olmuş Cənubi Qafqaz hazırda sülh zonasına çevrilməkdədir.
