Qobustan Rayon Polis Şöbəsinin əməkdaşları narkotik vasitələrin qanunsuz dövriyyəsinə qarşı əməliyyat keçiriblər.
ilkinxeber.az informasiya agentliyi xəbər verir ki, əməliyyat nəticəsində narkotiklərin qanunsuz dövriyyəsində şübhəli bilinən, əvvəllər məhkum olunmuş 37 yaşlı Xaqani İbişov və 27 yaşlı Rəşad Quliyev saxlanılıblar.
Keçirilən tədbir zamanı saxlanılan şəxslərin üzərindən ümumilikdə 3 kiloqram narkotik vasitə aşkar edilərək götürülüb.
Araşdırma zamanı onların narkotik vasitələri satış məqsədilə İran vətəndaşından əldə etdikləri müəyyənləşdirilib.
Faktla bağlı cinayət işi başlanılıb. Məhkəmənin qərarı ilə Xaqani İbişov və Rəşad Quliyev barəsində həbs qətimkan tədbiri seçilib.
Hazırda cinayət işi üzrə araşdırmalar davam etdirilir.
