Əfsanəvi Şabanı indi o canlandıracaq

İlkinxeber.az informasiya agentliyi məlumat verir ki, Yeşilçamın məşhur filmlərindən olan “Şabanoğlu Şaban” uzun illərdən sonra yenidən ekranlara qayıdır.
Məlumata görə, “Şabanoğlu Şaban” adlı davam filmində illər əvvəl Kamal Sunalın canlandırdığı əfsanəvi Şaban obrazını onun oğlu Əli Sunal canlandıracaq. Filmin çəkilişlərinə sentyabrın sonunda başlanılması planlaşdırılır.
Qeyd edək ki, 1977-ci ildə ekranlaşdırılan “Şabanoğlu Şaban” filmi türk kinosunun ən sevilən komediya nümunələrindən biridir. Filmdə Kamal Sunalla yanaşı Şener Şen və Halit Akçatepe kimi məşhur aktyorlar da rol alıblar.
Yeni ekran işinin əfsanəvi Şaban obrazını necə təqdim edəcəyi isə maraqla gözlənilir.