Əməkdar artist, diktor Sevda Məmmədzadənin səhhətində ciddi pisləşmə müşahidə olunur.
ilkinxeber.az informasiya agentliyi xəbər verir ki, onun qızı Gültən Ramazanova anasının vəziyyətinin kritik olduğunu bildirib.
Onun sözlərinə görə, Sevda Məmmədzadə üç gün əvvəl süni tənəffüs aparatına qoşulub.
“Vəziyyəti kritik olaraq qalır. Hazırda aparatlara qoşulmuş vəziyyətdədir. Bu gün saat 15:00-dan sonra analizlərin nəticələri açıqlanacaq. Artıq orqanları iflas edir. Yenə də Allahdan ümid kəsilmir. Həkimlər də Sevda Məmmədzadənin həyatını xilas etmək üçün əllərindən gələni edirlər”, – deyə Gültən Ramazanova bildirib.
Qeyd edək ki, Əməkdar artist və tanınmış diktor Sevda Məmmədzadə sentyabrın 1-də koma vəziyyətində reanimasiyaya yerləşdirilib.
