Məşhur portuqaliyalı futbolçu Kriştianu Ronaldu çıxış etdiyi Səudiyyə Ərəbistanının “Ən-Nəsr” klubunu satın almaq istəyir.
ilkinxeber.az informasiya agentliyinin məlumatına görə, Ronaldu daha dörd investorla birlikdə klubun alınması üçün ortaq təklif hazırlayır. Bildirilir ki, tərəflərin hər biri bu prosesə ən azı 92 milyon avro sərmayə yatırmağa hazırlaşır.
Kriştianu Ronaldunun klubun mümkün satın alınmasında investor kimi iştirakı ilə bağlı məlumat “DAZN Portugal” telekanalı tərəfindən yayımlanıb.
Qeyd edək ki, 41 yaşlı futbolçu 2022-ci ilin dekabrından “Ən-Nəsr”in formasını geyinir. Ronaldu Səudiyyə klubunun əsas ulduzlarından biri olmaqla yanaşı, komandanın beynəlxalq səviyyədə tanınmasına da ciddi təsir göstərib.
