Bakıda kütləvi tədbir zamanı LED ekran aşıb

İlkinxeber.az informasiya agentliyi məlumat verir ki, Bakının Yasamal rayonunda, Məhəmməd Naxçıvani (6-cı Paralel) küçəsində keçirilən kütləvi tədbir zamanı iriölçülü LED ekran aşıb.
Hadisə ilə bağlı görüntülər sosial şəbəkələrdə yayılıb.
Məlumata görə, ehtiyatsızlıq nəticəsində aşan ekran insanların dayandığı əraziyə düşüb. Hadisə zamanı bir qadının xəsarət aldığı bildirilir.
Qeyd olunur ki, hadisə AYNA-nın Mikromobillik həftəsi çərçivəsində təşkil etdiyi “Avtomobilsiz gün” tədbiri zamanı baş verib.