İlkinxeber.az informasiya agentliyi məlumat verir ki, Baş nazir Əli Əsədovun təsdiqlədiyi “Oyuncaqların təhlükəsizliyi haqqında Texniki Reqlament”ə əsasən, bir sıra məhsullar oyuncaq hesab edilməyəcək.
Yeni qaydalara görə, yolka bəzəkləri və elektrik çələngləri, uşaq meydançaları üçün avadanlıqlar, idman ləvazimatları, 500-dən çox parçadan ibarət pazllar, pnevmatik silahlar, katapultlar, atıcı qurğular, odlu silahların dəqiq surətləri, üzgüçülük və qoruyucu vasitələr, uşaqlar üçün bijüteriya və digər məhsullar oyuncaq kateqoriyasına daxil edilməyəcək.
Həmçinin 14 yaşadək uşaqlar üçün nəzərdə tutulmayan kolleksiya modelləri və dekorativ kuklalar, 24 voltdan yüksək gərginliklə işləyən oyun və oyuncaqlar, müəyyən növ yaylar, uşaqlar üçün nəzərdə tutulan bəzi nəqliyyat vasitələri və digər məhsullar da siyahıya salınıb.
Qeyd edək ki, qərar 6 ay sonra qüvvəyə minəcək.
