İlkinxeber.az informasiya agentliyi məlumat verir ki, bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev “Bakı Mədəniyyət və Media Dialoqu Platforması” çərçivəsində təşkil olunan “Sülhün dili və dezinformasiyaya qarşı mübarizə” mövzusunda xüsusi sessiyada çıxışı zamanı bildirib.
Hikmət Hacıyev qeyd edib ki, sülh sazişi insanların həyatına mütləq töhfə verməlidir.
O vurğulayıb ki, Azərbaycanın mədəni-tarixi abidələri 30 il ərzində dağıntılar altında qalıb, yüz minlərlə insan doğma yurdlarından köçkün düşüb. Buna baxmayaraq, Prezident İlham Əliyev münaqişədən sonrakı dövrdə də sülh təşəbbüsü ilə çıxış edib.
Prezidentin köməkçisi Vaşinqton görüşündən sonrakı proseslərə də toxunaraq bildirib ki, Azərbaycan sazişdə nəzərdə tutulan və icrası vacib olan bir sıra məsələləri artıq həyata keçirir.
