İlkinxeber.az informasiya agentliyi məlumat verir ki, Prezident Administrasiyasının keçmiş rəhbəri Ramiz Mehdiyevlə bağlı məhkəmə araşdırması başa çatıb.
Məlumata görə, Bakı Ağır Cinayətlər Məhkəməsinin 22 oktyabr 2026-cı il tarixli hökmü ilə Ramiz Ənvər oğlu Mehdiyev Azərbaycan Respublikası Cinayət Məcəlləsinin 193-1.3.2, 274, 278.1 və 311.3.3-cü maddələri ilə nəzərdə tutulan cinayətləri törətməkdə təqsirli bilinib. O, 14 il müddətinə azadlıqdan məhrum edilib.
Bununla belə, məhkəmə Ramiz Mehdiyevin yaşı və mövcud xəstəlikləri ilə əlaqədar sağlamlıq vəziyyətini nəzərə alaraq, Cinayət Məcəlləsinin 70-ci maddəsinə əsasən təyin edilən həbs cəzasının şərti tətbiq olunmasına qərar verib.
Hökmə əsasən, Ramiz Mehdiyevin dövlət təltiflərindən məhrum edilməsi məsələsinə baxılması üçün müvafiq təqdimatın göndərilməsi də qərara alınıb.
Bundan əlavə, məhkəmə qərarı ilə Ramiz Mehdiyevə məxsus əmlaklar barəsində dövlət nəfinə keçirilməklə xüsusi müsadirə tətbiq edilib.
