Pərviz Abubəkirov vəzifəsindən ayrılır?

İlkinxeber.az informasiya agentliyi məlumat verir ki, Səhiyyə Nazirliyinin mətbuat xidmətinin rəhbəri Pərviz Abubəkirovun vəzifəsindən ayrılacağı gözlənilir.
Məlumata görə, o, noyabr ayında tutduğu vəzifədən ayrılacaq. Bununla bağlı rəsmi təsdiq hələ təqdim edilməyib.
Qeyd edək ki, Pərviz Abubəkirov 2018-ci il iyulun 2-də Səhiyyə Nazirliyinin mətbuat xidmətinin rəhbəri vəzifəsinə təyin olunub. O, bu təyinatdan əvvəl ANS telekanalında yayımlanan “Cinayət işi” və İctimai Televiziyada nümayiş etdirilən “Qanundan kənar” verilişlərinin aparıcısı kimi fəaliyyət göstərib.
Məsələ ilə bağlı aidiyyəti quruma sorğu ünvanlanıb. Rəsmi açıqlama veriləcəyi təqdirdə əlavə məlumat təqdim olunacaq.