İlkinxeber.az informasiya agentliyi məlumat verir ki, İsraildə keçirilən seçkilərlə bağlı exit-poll nəticələrinə əsasən, Benyamin Netanyahunun rəhbərlik etdiyi “Likud” partiyasının 25, müxalifətdəki “Yaşar” partiyasının isə 21 mandat qazanacağı proqnozlaşdırılır.
Proqnozlara görə, müxalifət bloku Knessetdə 53, hakim koalisiya isə 50 mandat əldə edə bilər.
Ərəb partiyalarının ümumilikdə 17 mandat qazanacağı gözlənilir. Bununla belə, həm Netanyahu tərəfdarlarının, həm də müxalifət blokunun həmin partiyalarla koalisiya qurmağa hazır olmadığı bildirilir.
Qeyd edək ki, İsrail parlamenti Knessetdə çoxluq əldə etmək üçün 61 mandat tələb olunur. Exit-poll nəticələrinə əsasən, hazırkı göstəricilər heç bir blokun bu həddə çatmadığını göstərir.
Nəticələrin yekun rəsmiləşdirilməsindən sonra parlamentdə siyasi qüvvələrin bölgüsü və mümkün koalisiya danışıqlarının istiqaməti dəqiqləşəcək.
