ABŞ: İranın aldığı xarici yardım vəziyyətin gedişinə təsir etmir
ilkinxeber.az informasiya agentliyi xəbər verir ki, ABŞ Dövlət katibi Marko Rubio İranın xarici ölkələrdən aldığı hər hansı ciddi dəstəyin hazırda bölgədəki vəziyyətin gedişinə təsir etdiyini düşünmədiklərini bildirib.
Rubio bu barədə Ekvadorda jurnalistlərə açıqlamasında danışıb. Onun sözlərinə görə, ABŞ administrasiyası İrana göstərilən hər hansı yardımın hazırda müşahidə olunan vəziyyətin dinamikasını dəyişəcək səviyyədə olduğunu hesab etmir.
Dövlət katibi İranın hansı ölkələrdən dəstək aldığını bildikləri ilə bağlı suala cavab verərkən həmin dövlətlərin adlarını açıqlamayıb.
Rubio həmçinin İranın ABŞ gəmilərinə qarşı hücumlarını davam etdirdiyini qeyd edib. O bildirib ki, Tehran bu addımlarının qarşılığında tankerlərə endirilən zərbələrlə üzləşir.
ABŞ rəsmisinin açıqlaması İran və ABŞ arasında dənizdə artan qarşıdurmanın fonunda səslənib. Son günlər tərəflər arasında gəmi və tanker hücumları ilə bağlı qarşılıqlı ittihamlar davam edir.
