İlkinxeber.az informasiya agentliyi məlumat verir ki, Rusiya Prezidentinin mətbuat katibi Dmitri Peskov iyulun 14-də keçirdiyi brifinqdə Azərbaycan Prezidenti İlham Əliyevin Ukrayna böhranı ilə bağlı mövqeyinə münasibət bildirib.
Peskov qeyd edib ki, Ukrayna məsələsində müəyyən fikir ayrılıqları olsa da, Moskva Bakı ilə praqmatik əməkdaşlığı davam etdirmək niyyətindədir. Onun sözlərinə görə, Rusiya Azərbaycan kimi ölkə ilə münasibətlərin hərtərəfli inkişafında maraqlıdır.
Kreml sözçüsü vurğulayıb ki, mövqe fərqlilikləri iki ölkə arasında strateji tərəfdaşlığa mənfi təsir göstərməməlidir.
