Rusiyada dron zavodunun rəhbəri avtomobil partlayışında ağır yaralanıb
Rusiyanın Sverdlovsk vilayətinin Bolşoy İstok qəsəbəsində “Mercedes” markalı avtomobildə baş verən partlayış nəticəsində “Upır” pilotsuz uçuş aparatlarının istehsalı zavodunun rəhbəri Vladimir Tkaçuk ağır xəsarətlər alıb.
ilkinxeber.az informasiya agentliyinin əldə etdiyi məlumata görə, hadisə barədə “E1.ru” “Telegram” kanalı məlumat yayıb.
İlkin məlumata əsasən, partlayış avtomobilin içərisində baş verib. Nəticədə Tkaçuk ağır bədən xəsarətləri alaraq xəstəxanaya çatdırılıb.
Hadisənin başvermə səbəbləri araşdırılır. Hüquq-mühafizə orqanları partlayışın bütün mümkün versiyalarını nəzərdən keçirir.
