ABŞ Prezidenti Donald Tramp kommunizmi ölkəsi üçün ən böyük təhlükələrdən biri adlandırıb.
İLKİNxeber.az informasiya agentliyi xəbər verir ki, Tramp bu fikri “Truth Social” platformasında etdiyi paylaşımda səsləndirib.
Onun sözlərinə görə, kommunizm ABŞ tarixində İkinci Dünya müharibəsi, Perl Harbor hücumu və 11 sentyabr terror hadisələri kimi böyük təhlükələrlə müqayisə edilə biləcək səviyyədə risk yaradır.
Tramp qeyd edib ki, ABŞ onun prezidentliyi dövründə heç bir halda kommunist dövlətə çevrilməyəcək və buna imkan verilməyəcək.
O, həmçinin Nyu Yorkda keçirilmiş mer seçkilərinə toxunaraq Zohran Mamdaninin qələbəsindən sonra şəhərin siyasi istiqaməti ilə bağlı narahatlığını ifadə edib.
Tramp Mamdaninin idarəçiliyi ilə bağlı sərt proqnozlar səsləndirərək bəzi sakinlərin şəhəri tərk edə biləcəyini iddia edib və federal səviyyədə müdaxilə ehtimalını da gündəmə gətirib.
