Ağdaş rayonunda yük avtomobilini ildırım vurması nəticəsində yanğın hadisəsi baş verib.
İLKİNxeber.az informasiya agentliyi məlumat verir ki, hadisə iyunun 11-i saat 22 radələrində rayonun Ləki kəndi ərazisində qeydə alınıb.
Nurlan Allahverdiyevin idarə etdiyi “DAF” markalı yük avtomobilinə ildırım düşməsi nəticəsində nəqliyyat vasitəsində yanğın yaranıb.
Hadisə zamanı avtomobilin yanar hissələri, eləcə də yük bölməsində olan soyuducular yanaraq yararsız hala düşüb.
Faktla bağlı araşdırma aparılır.
