Bakı–Quba–Rusiya Federasiyası dövlət sərhədi ödənişli avtomobil yolunun 60-cı kilometrliyində yanacaqdaşıyan avtomobilin aşması nəticəsində yanğın baş verib.
ilkinxeber.az informasiya agentliyi məlumat verir ki, hadisə ilə bağlı məlumat daxil olan kimi Fövqəladə Hallar Nazirliyinin Dövlət Yanğından Mühafizə Xidmətinin Sumqayıt Şəhər Yanğından Mühafizə İdarəsinin qüvvələri dərhal əraziyə cəlb olunub.
Əməliyyat şəraiti qiymətləndirilərkən müəyyən edilib ki, “MAN” markalı yanacaqdaşıyan avtomobil idarəetməni itirərək yol kənarına aşıb və nəticədə yanğın baş verib.
Yanğınsöndürənlərin оператив müdaxiləsi sayəsində alovun avtomobilin kabinəsinə və ətraf ərazilərə yayılmasının qarşısı alınıb, yanğın qısa müddətdə söndürülüb.
Hadisə nəticəsində avtomobilin qoşqusunda yerləşən yanacaq çəni və ətrafa dağılmış yanacaq təxminən 500 kvadratmetr sahədə yanıb.
Hadisə zamanı xəsarət alan olmayıb. Avtomobilin kabinəsi və ətraf ərazilər yanğından mühafizə edilib.
Faktla bağlı aidiyyəti qurumlar tərəfindən araşdırma aparılır.
