Əməkdar artist Firuzə İbadova təcili əməliyyat olunub

İlkinxeber.az informasiya agentliyi məlumat verir ki, sənətçinin qızı Hülya Qasımova anasının özəl xəstəxanalardan birində əməliyyat olunduğunu bildirib.
Onun sözlərinə görə, Firuzə İbadova səhhətində yaranan problemlərlə bağlı həkim müayinəsindən keçib. Müayinələrin ardından sənətçinin təcili əməliyyat olunmasına qərar verilib.
H.Qasımova anasının hansı səbəbdən əməliyyat olunduğunu açıqlamayıb. O, hazırda sənətçinin vəziyyətinin yaxşılığa doğru dəyişdiyini və tədricən özünə gəldiyini qeyd edib.
Hazırda Firuzə İbadovanın müalicəsi xəstəxanada davam etdirilir.