İLKİNxeber.az informasiya agentliyinin əldə etdiyi məlumata görə, Goranboy rayonunda qadının göldə batması ilə nəticələnən faciəli hadisə baş verib.
Hadisə rayonun Səfikürd kəndi ərazisində qeydə alınıb. Hadisə yerinə polis və prokurorluq əməkdaşları cəlb olunub. 53 yaşlı Sevda Nəbiyevanın meyiti göldən çıxarılıb.
Məlumata görə, S.Nəbiyeva Təcili və Təxirəsalınmaz Tibbi Yardım Mərkəzində həkim kimi fəaliyyət göstərib.
Faktla bağlı Goranboy Rayon Prokurorluğunda araşdırma aparılır.
