İlkinxeber.az informasiya agentliyi məlumat verir ki, Ağstafada vaqonun üzərinə çıxarkən elektrik cərəyanının vurduğu 15 yaşlı Ömər Nəsibov vəfat edib.
Məlumata görə, 2011-ci il təvəllüdlü yeniyetmə avqustun 21-də saat 23:00 radələrində Ağstafa Rayon Mərkəzi Xəstəxanasının Təcili tibbi yardım şöbəsinə yerləşdirilib. İlkin tibbi yardım göstərildikdən sonra o, daha ixtisaslı müalicə üçün Nərimanov Tibb Mərkəzinin nəzdindəki Yanıq Mərkəzinə təxliyə olunub.
Yeniyetməyə sifət, boyun və hər iki yuxarı ətrafın ön və arxa səthlərinin III-IV dərəcəli elektrotravmalı ağır termiki yanığı diaqnozu qoyulub.
Həkimlərin apardığı reanimasiya tədbirlərinə baxmayaraq, 15 yaşlı Ömər Nəsibov avqustun 22-də saat 20:10 radələrində vəfat edib.
Qeyd edək ki, yeniyetmənin “TikTok” üçün video çəkmək məqsədilə vaqonun üzərinə çıxdığı və bu zaman elektrik cərəyanının onu vurduğu bildirilirdi.
