Mateuş Koxalski “Qarabağ”dan niyə ayrıldığını açıqladı

İlkinxeber.az informasiya agentliyi məlumat verir ki, “Qarabağ”ın sabiq qapıçısı Mateuş Koxalski komandadan ayrılmasının səbəbi barədə danışıb.
Polşalı qapıçı bildirib ki, karyerasını Avropada davam etdirmək istədiyi üçün Azərbaycan klubundan ayrılıb.
Koxalskinin sözlərinə görə, əsas məqsədi Avropada futbol oynamaq və karyerasını inkişaf etdirməkdir. O, futbolçuların böyük əksəriyyətinin dünyanın TOP-5 liqalarından birində çıxış etməyi arzuladığını qeyd edib.
Qeyd edək ki, Mateuş Koxalski təxminən 20 gün əvvəl “Qarabağ”dan ayrılaraq Polşanın “Vyeçista” klubuna keçib.