İLKİNxeber.az informasiya agentliyinin əldə etdiyi məlumata görə, ölkədə həyata keçirilən təhsil islahatları çərçivəsində müəllimlərin məşğulluq sistemi mərhələli şəkildə yenilənəcək.
Bildirilib ki, islahat proqramına uyğun olaraq yaxın illərdə 20 min tamştatlı müəllim vəzifəsinin yaradılması nəzərdə tutulur. Bu addım müəllimlərin daha dayanıqlı iş şəraitinin təmin edilməsinə və təhsil sistemində kadr potensialının gücləndirilməsinə xidmət edəcək.
Qeyd edilib ki, tamştatlı müəllim statusu alan şəxslər gələcəkdə sertifikatlaşdırma prosesinə yenidən cəlb olunmayacaqlar.
Məlumata əsasən, sertifikatlaşdırma mərhələsində uğur qazana bilməyən müəllimlərin bir hissəsi köməkçi müəllim kimi fəaliyyətini davam etdirəcək. Digər hissə ilə isə qüvvədə olan əmək qanunvericiliyinə uyğun şəkildə əmək müqaviləsinə xitam veriləcək.
