“ilkinxeber.az” xəbər verir ki, Bakıda və Abşeron yarımadasında hava şəraitinin dəyişkən buludlu keçəcəyi, əsasən yağmursuz olacağı gözlənilir. Gün ərzində şimal-qərb küləyi əsəcək, səhər saatlarından etibarən isə cənub-şərq küləyi ilə əvəz olunacaq.
Bölgələrdə də əsasən yağmursuz hava şəraiti hökm sürəcək. Lakin gündüz saatlarında bəzi dağlıq və dağətəyi ərazilərdə qısamüddətli yağış yağacağı ehtimal edilir. Ayrı-ayrı yerlərdə şimşək çaxacağı, dolu düşəcəyi və yağıntının qısa müddətdə intensivləşəcəyi proqnozlaşdırılır.
Gecə və səhər saatlarında bəzi ərazilərdə duman müşahidə oluna bilər. Şərq küləyi isə bəzi rayonlarda arabir güclənəcək.
