Tehranda Əli Xamenei ilə vida mərasimi keçirilir
İranın paytaxtı Tehranda ölkənin mərhum Ali Lideri Əli Xamenei ilə vida mərasimi keçirilir.
ilkinxeber.az informasiya agentliyi xəbər verir ki, mərasimdən görüntülər sosial şəbəkələrdə yayılıb.
Məlumata görə, matəm yürüşünə yüz minlərlə insan qatılıb. Cənazə Tehranın Enqelab küçəsindən Azadi meydanına qədər müşayiət olunur. Yerli mənbələr Azadi meydanında bir milyondan çox insanın toplandığını bildirir.
Havanın isti keçməsi səbəbindən yürüş iştirakçılarının sərinləməsi üçün yanğınsöndürən avtomobillər vasitəsilə su səpilir. Təhlükəsizlik tədbirləri isə İslam İnqilabı Keşikçiləri Korpusunun əməkdaşları tərəfindən təmin edilir.
Məlumata əsasən, yürüş başa çatdıqdan sonra cənazə İranın əsas dini mərkəzlərindən biri olan Qum şəhərinə aparılacaq. Daha sonra iyulun 8-də İraqa göndərilməsi, Kərbəla və Nəcəf şəhərlərində vida mərasimlərinin keçirilməsi planlaşdırılır.
Bildirilir ki, iyulun 9-da Əli Xamenei öz vəsiyyətinə uyğun olaraq Məşhəd şəhərində dəfn olunacaq.
