Abşeronda özünü mənzil almaq istəyən müştəri kimi təqdim edərək oğurluq edən şəxs saxlanılıb.
İlkinxeber.az informasiya agentliyi xəbər verir ki, həyata keçirilən əməliyyat tədbirləri nəticəsində bu əməli törətməkdə şübhəli bilinən 31 yaşlı R. Quliyeva müəyyən olunaraq saxlanılıb.
Araşdırmalar zamanı məlum olub ki, saxlanılan şəxs özünü ev almaq istəyən müştəri kimi təqdim edərək mənzilə daxil olub. O, ev sahibinin diqqətinin yayınmasından istifadə edərək ümumi dəyəri 5 min manat olan qızıl-zinət əşyalarını oğurlayıb.
Faktla bağlı araşdırmalar davam etdirilir.
