İlkinxeber.az informasiya agentliyi məlumat verir ki, Azərbaycanın Naxçıvanla maneəsiz əlaqəsinin təmin edilməsi məsələsində yeni yanaşma və yaradıcı həll mexanizmi formalaşdırılıb.
ABŞ prezidentinin xüsusi nümayəndəsi Stiven Uitkoff bu barədə “Washington Examiner”də yayımlanan məqaləsində bildirib.
Onun sözlərinə görə, proses ABŞ Prezidenti Donald Trampın Azərbaycan Prezidenti İlham Əliyev və Ermənistanın Baş naziri Nikol Paşinyanla apardığı səmərəli danışıqlar nəticəsində mümkün olub.
Uitkoff qeyd edib ki, əldə olunan razılaşmaların əsas nəticələrindən biri TRIPP, digər adı ilə “Tramp marşrutu” konsepsiyasının ortaya çıxmasıdır.
ABŞ rəsmisi bildirib ki, bu təşəbbüs uzunmüddətli və nəticəsiz danışıqlar əvəzinə, yaradıcılıq, qarşılıqlı maraq və siyasi iradə əsasında mürəkkəb mübahisələrin həllinə nümunə kimi təqdim olunur.
Onun sözlərinə görə, ABŞ son bir il ərzində TRIPP layihəsinin həyata keçirilməsi istiqamətində Azərbaycan və Ermənistanla birgə fəaliyyət göstərib.
Uitkoff əlavə edib ki, gələcəkdə TRIPP təşəbbüsünün Xəzər dənizi üzərindən davam etdirilməsi və konsepsiyanın Yaxın Şərqdə də tətbiq imkanlarının genişləndirilməsi gözlənilir.
