Rusiyanın Odessa vilayətində yerləşən liman və digər ixrac obyektlərinə endirdiyi zərbələr Ukraynanın dəniz yolu ilə yükdaşımalarına ciddi təsir göstərib.
ilkinxeber.az informasiya agentliyi xəbər verir ki, “Reuters”in məlumatına görə, hücumlar Ukraynanın ixracında mühüm rol oynayan Qara dəniz limanlarının fəaliyyətini məhdudlaşdırıb.
Məlumata əsasən, Ukraynanın ixracının böyük hissəsi məhz dəniz limanları vasitəsilə həyata keçirilir. Mövcud vəziyyət səbəbindən yük axınının bir hissəsi alternativ marşrutlara yönəldilib.
Ukrayna tərəfi yüklərin daşınmasında Dunay çayı üzərində yerləşən limanlardan, eləcə də ölkənin qərb sərhədindəki dəmir yolu məntəqələrindən daha geniş istifadə etməyə başlayıb.
Bildirilir ki, alternativ marşrutların imkanlarının Qara dəniz limanlarından daha məhdud olması Ukraynanın ixrac-logistika sisteminə əlavə çətinliklər yaradır.
