Türkiyənin “Trabzonspor” klubu heyətinə daha bir futbolçu cəlb edib.
ilkinxeber.az informasiya agentliyi xəbər verir ki, Trabzon təmsilçisi Danimarkanın “Midtyullann” klubunda çıxış edən Qvineya-Bisau millisinin futbolçusu Frankulino Conunu transfer edib.
Məlumata görə, “Trabzonspor” bu keçid üçün Danimarka klubuna 17 milyon avro ödəyəcək. 21 yaşlı hücumçu ilə 4+1 illik müqavilə imzalanıb. Futbolçunun Türkiyə klubunda illik qazancı 2,1 milyon avro olacaq.
Bu transferlə “Trabzonspor” klub tarixinin ən bahalı futbolçu transferinə imza atıb.
Qeyd edək ki, Frankulino Conu “Midtyullann”ın heyətində 117 oyunda 58 qol vurub və 15 məhsuldar ötürmə ilə yadda qalıb.
