Rusiyadan deportasiya edilən qanunsuz miqrantların sayında kəskin artım qeydə alınıb. Son göstəricilərə əsasən, deportasiyaların sayı 2,6 dəfə yüksəlib ki, bu da 85 faiz artım deməkdir.
ilkinxeber.az informasiya agentliyi xəbər verir ki, bunu Rusiya Prezidenti Vladimir Putin ölkənin daxili işlər nazirinin birinci müavini, Miqrasiya Xidmətinin rəhbəri Andrey Kikotla görüşü zamanı açıqlayıb.
Putin Rusiyaya gələn miqrantların məqsədyönlü şəkildə seçilməsinin vacibliyini vurğulayıb. Rusiya liderinin sözlərinə görə, belə yanaşma yalnız ölkənin maraqları baxımından deyil, miqrantların hüquqlarının qorunması baxımından da əhəmiyyətlidir.
Rusiya Prezidenti miqrantların ölkəyə gəlməzdən əvvəl əmək fəaliyyəti və Rusiyada yaşayış qaydaları ilə bağlı hazırlıq keçməsinin vacibliyini qeyd edib.
“Rusiyaya işləmək üçün gəlmək istəyən insanların hazırlanmasında onların gəldiyi ölkələrin də maraqlı olması vacibdir. Onları həm əmək fəaliyyəti, həm də Rusiyada yaşamaq üçün əvvəlcədən hazırlamaq lazımdır”, deyə Putin bildirib.
