Rusiyanın Blaqoveşensk şəhərində ata yol hərəkəti qaydalarını davamlı olaraq pozan oğlunun avtomobilini qəsdən yandırıb.
ilkinxeber.az informasiya agentliyi xəbər verir ki, hadisə ilə bağlı Rusiya mediası məlumat yayıb.
Məlumata görə, 50 yaşlı kişi oğlunun mütəmadi olaraq yol hərəkəti qaydalarını pozmasından bezib. O, problemi radikal şəkildə həll etmək qərarına gəlib.
Ata avtomobili əvvəlcədən müəyyən etdiyi əraziyə aparıb, paltarını dəyişdikdən sonra nəqliyyat vasitəsinə od vurub.
Hadisə yerinə gələn hüquq mühafizə orqanlarının əməkdaşları şəxsi saxlayıblar. Axtarış zamanı yanğın törədilərkən istifadə etdiyi geyim də aşkar edilib.
Yandırılmış avtomobil və digər əşyalar maddi sübut kimi müsadirə olunub.
