ilkinxeber.az informasiya agentliyi xəbər verir ki, İran Prezidenti Məsud Pezeşkian ABŞ ilə İran arasında davam edən münaqişənin hazırkı mərhələdə başa çatdırılmasının daha məqsədəuyğun olduğunu bildirib.
Pezeşkian qeyd edib ki, müharibənin gec-tez sona çatması qaçılmazdır və bunun İranın güclü mövqedə olduğu bir vaxtda baş verməsi daha yaxşı olardı.
“Bu müharibə nə vaxtsa başa çatmalıdır. Bunu bu gün, güclü mövqedə olduğumuz və dünyanın bizim qələbəmizi etiraf etdiyi bir zamanda etmək daha yaxşıdır”, deyə İran Prezidenti bildirib.
Pezeşkianın sözlərinə görə, Tehran hazırda özünü münaqişənin əvvəlki mərhələləri ilə müqayisədə daha güclü mövqedə görür və əldə olunan nəticələrin beynəlxalq ictimaiyyət tərəfindən qəbul edildiyini düşünür.
