DTX rəhbəri: Təhlükəsizlik artıq yalnız sərhədlərin qorunması ilə məhdudlaşmır

İlkinxeber.az informasiya agentliyi məlumat verir ki, təhlükəsizlik məsələləri artıq yalnız dövlət sərhədlərinin mühafizəsi ilə məhdudlaşmır. Davam edən münaqişələr regional proseslərə, enerji bazarlarına və ərzaq təhlükəsizliyinə ciddi təsir göstərir.
Bu fikirlər BTF çərçivəsində keçirilən müzakirələr zamanı səsləndirilib. Çıxışda təhlükəsizlik sahəsində yaranan yeni çağırışların qarşısının alınması üçün etibarlı tərəfdaşlığın və beynəlxalq əməkdaşlığın vacibliyi vurğulanıb.
Tədbir çərçivəsində Dövlət Təhlükəsizliyi Xidməti (DTX) və BMT-nin Terrorçuluğa Qarşı Mübarizə Ofisinin birgə təşkilatçılığı ilə “Operativ tərəfdaşlıqlar vasitəsilə milli terrorçuluqla mübarizə imkanlarının gücləndirilməsi” mövzusunda yan tədbir də təşkil olunub.
Müzakirələr zamanı müasir texnologiyaların yaratdığı terror təhdidlərinə qarşı milli və beynəlxalq səviyyədə effektiv əlaqələndirmə mexanizmlərinin formalaşdırılmasının əhəmiyyəti qeyd edilib.
Həmçinin BTF-in platforması olan Antiterror Məlumat Mübadiləsi Sistemi (CTIES) kimi qabaqcıl alətlərin inkişaf etdirilməsi və terrorçuluğa qarşı mübarizədə məlumat mübadiləsinin gücləndirilməsinin zəruriliyi diqqətə çatdırılıb.