Minimum əməkhaqqına yenidən baxılacaq

İlkinxeber.az informasiya agentliyi məlumat verir ki, Əmək Məcəlləsinə minimum əməkhaqqının hər il ən azı bir dəfə nəzərdən keçirilməsini nəzərdə tutan yeni müddəa əlavə edilib.
Deputat Vüqar Bayramov bildirib ki, minimum əməkhaqqına 2027-ci ilin fevral ayınadək yenidən baxılması gözlənilir. Artımın 2027-ci ilin dövlət büdcəsində nəzərdə tutulacağı ehtimal olunur.
Deputatın sözlərinə görə, artımın konkret məbləği dövlət büdcəsinin layihəsi Milli Məclisə təqdim edildikdən sonra məlum olacaq.
Hazırda Azərbaycanda minimum əməkhaqqı 400 manat, yaşa görə minimum əmək pensiyası isə 320 manat təşkil edir.