İlkinxeber.az informasiya agentliyi məlumat verir ki, Prezident İlham Əliyev Yeni Azərbaycan Partiyasının (YAP) VIII Qurultayında çıxışı zamanı Qarabağ və Şərqi Zəngəzurda görülən işlərdən danışıb.
Dövlət başçısı bildirib ki, hazırda Qarabağ və Şərqi Zəngəzurda 96 min insan yaşayır, işləyir və təhsil alır.
Prezidentin sözlərinə görə, sözügedən bölgələrin inkişafına indiyədək 28 milyard manat vəsait ayrılıb. Bu vəsaitin əsas hissəsi infrastruktur layihələrinə yönəldilib.
İlham Əliyev qeyd edib ki, artıq 48 yaşayış məntəqəsində keçmiş məcburi köçkünlərin məskunlaşması təmin olunub. O bildirib ki, qarşıdakı illərdə Böyük Qayıdış prosesi daha da sürətləndiriləcək.
