İlkinxeber.az informasiya agentliyi məlumat verir ki, Azərbaycan Milli Elmlər Akademiyasının (AMEA) Rəyasət Heyəti Ramiz Mehdiyevin Akademiyanın həqiqi üzvlüyündən çıxarılması ilə bağlı qərar qəbul edib.
Qərarın qəbulunda Ramiz Mehdiyevin dövlətə xəyanət və digər cinayətlərə görə 14 il müddətinə azadlıqdan məhrum edilməsi barədə məhkəmə hökmü əsas götürülüb. Onun yaşı və səhhəti nəzərə alınaraq cəzanın şərti tətbiq edildiyi bildirilir.
Qeyd edək ki, AMEA Rəyasət Heyətinin qəbul etdiyi qərar oktyabrın 30-da keçiriləcək Ümumi Yığıncaqda təsdiqlənməlidir.
Bundan əlavə, Ramiz Mehdiyevin əmlakının müsadirə edilməsi və dövlət təltiflərindən məhrum olunması məsələlərinə baxılması üçün müvafiq təqdimat göndərilməsi qərara alınıb.
