Bakıda baş verən partlayış hadisəsində xəsarət alan ər-arvad həyatını itirib.
ilkinxeber.az informasiya agentliyi məlumat verir ki, hadisə nəticəsində ağır xəsarət alan 1984-cü il təvəllüdlü Pərvin İsrafilov və həyat yoldaşı, 1990-cı il təvəllüdlü Arzu İsrafilova xəstəxanada vəfat ediblər.
Məlumata görə, iyulun 4-də Bakı şəhərinin Yasamal rayonu, Ümid Əkbərov küçəsində yerləşən yaşayış evində partlayış baş verib. Hadisə zamanı xəsarət alan şəxslərdən 2011-ci il təvəllüdlü yeniyetmənin müalicəsi hazırda Nərimanov Tibb Mərkəzinin nəzdində fəaliyyət göstərən Yanıq Mərkəzində davam etdirilir. Onun vəziyyətinin orta ağır olduğu bildirilir.
Tibbi Ərazi Bölmələrini İdarəetmə Birliyindən (TƏBİB) verilən açıqlamada qeyd olunub ki, aparılan intensiv reanimasiya tədbirlərinə baxmayaraq, xəsarət alan kişi və qadının həyatını xilas etmək mümkün olmayıb və onların bioloji ölüm faktı qeydə alınıb.
