Bakı Ağır Cinayətlər Məhkəməsində həyat yoldaşı Samir Əliyevi öldürməkdə təqsirləndirilən Elmira Əliyevanın cinayət işi üzrə məhkəmə prosesi keçirilib.
İlkinxeber.az informasiya agentliyi xəbər verir ki, məhkəmə iclasında dövlət ittihamçısı çıxış edərək təqsirləndirilən şəxsin 12 il 6 ay müddətinə azadlıqdan məhrum edilməsini istəyib.
Müdafiə tərəfi çıxışa hazırlaşmaq üçün vaxt istəyib. Növbəti məhkəmə iclası sentyabrın 3-nə təyin olunub.
İttihama əsasən, Elmira Əliyeva həyat yoldaşı Samir Əliyevi ov tüfəngindən atəş açaraq öldürüb. Daha sonra meyiti evin həyətində basdırdığı və qəbrin üzərinə güllər əkdiyi bildirilir.
Elmira Əliyeva Cinayət Məcəlləsinin 120.1-ci maddəsi ilə, yəni qəsdən adam öldürmə ittihamı ilə mühakimə olunur.
