Misli Premyer Liqasının I turunda keçirilən “Sumqayıt” və “Neftçi” qarşılaşmasında baş verən hadisələrlə bağlı AFFA İntizam Komitəsi qərar qəbul edib.
ilkinxeber.az informasiya agentliyinin məlumatına görə, matçın gedişində birbaşa qırmızı vərəqə ilə meydandan kənarlaşdırılan “Sumqayıt”ın kapitanı Səbuhi Abdullazadə təcavüzkar davranışa görə 5 oyunluq cəzalandırılıb.
Futbolçunun hərəkətinə görə “Sumqayıt” klubu 3 min manat məbləğində cərimə edilib.
Qarşılaşmada 4 futbolçusu sarı vərəqə alan “Neftçi”yə isə 700 manat cərimə tətbiq olunub.
İntizam Komitəsi eyni zamanda “Qarabağ” və “Şamaxı” arasında keçirilən görüşdə 4 futbolçusu sarı vərəqə alan “Şamaxı”nı da 700 manat cərimələyib.
Qeyd edək ki, Səbuhi Abdullazadə “Neftçi” ilə oyunda qırmızı vərəqə aldıqdan sonra meydanı tərk edərkən stadionun qapısını sındırıb. Nəticədə qapının şüşələri futbolçunun ayağına düşüb və o, ciddi xəsarət alıb.
