İlkinxeber.az informasiya agentliyi məlumat verir ki, Azərbaycanda sadələşdirilmiş vergi üzrə dövriyyə limitinin artırılması məsələsi yenidən gündəmə gətirilib. Müzakirələr zamanı bildirilib ki, hazırda tətbiq olunan limit uzun müddətdir dəyişmir və mövcud iqtisadi reallıqlara uyğunlaşdırılması zərurəti yaranıb.
Qeyd olunub ki, sonuncu dəfə sadələşdirilmiş vergi üçün dövriyyə limiti 2016-cı ildə 120 min manatdan 200 min manata yüksəldilib. Bu müddət ərzində ölkə iqtisadiyyatının həcmi və biznes dövriyyəsi əhəmiyyətli dərəcədə artdığı üçün limitin də artırılması təklif olunur.
Müzakirələrdə vurğulanıb ki, limitin artırılması mikro və kiçik sahibkarların vergi yükünü azaltmaqla yanaşı, onların fəaliyyət imkanlarını genişləndirə bilər. Eyni zamanda bu addımın kölgə iqtisadiyyatının azalmasına və vergi daxilolmalarının artmasına müsbət təsir göstərəcəyi qeyd edilib.
Hazırda qüvvədə olan qaydalara əsasən, illik dövriyyəsi 200 min manata qədər olan sahibkarlar sadələşdirilmiş vergi ödəyicisi kimi fəaliyyət göstərə bilirlər.
Məsələ ilə bağlı yekun qərarın qanunvericilik təşəbbüsləri çərçivəsində qəbul ediləcəyi gözlənilir.
