İlkinxeber.az informasiya agentliyi məlumat verir ki, paytaxt Bakıda metro infrastrukturunun genişləndirilməsi istiqamətində mühüm addımlar planlaşdırılır.
Belə ki, Bakı Metropoliteni tərəfindən yaxın illərdə ümumilikdə 9 yeni stansiyanın inşası nəzərdə tutulur. Məlumata görə, bu layihə üzrə artıq ilkin müzakirələr aparılır.
Bildirilib ki, plan çərçivəsində “Bənövşəyi” xətt üzrə 5, “Yaşıl” xətt üzrə isə 4 yeni stansiyanın tikintisi planlaşdırılır. Yaxın vaxtlarda bu stansiyaların inşası ilə bağlı müsabiqənin elan ediləcəyi gözlənilir.
Müsabiqənin qalibləri müəyyənləşdirildikdən sonra tikinti işlərinə start veriləcək. Layihəyə əsasən, stansiyaların inşasına gələn ildən başlanılması nəzərdə tutulur.
Qeyd edək ki, planlaşdırılan 9 metro stansiyasının 2030-cu ilə qədər tamamlanaraq istifadəyə verilməsi hədəflənir.
