ilkinxeber.az informasiya agentliyi xəbər verir ki, bunu jurnalistlərə açıqlamasında Azərbaycanın xarici işlər naziri Ceyhun Bayramov deyib.
Nazir bildirib ki, Azərbaycan və Ermənistan xarici işlər nazirlikləri arasında mütəmadi təmaslar və görüşlər keçirilir.
Ceyhun Bayramovun sözlərinə görə, Ermənistanın xarici işlər naziri Ararat Mirzoyanla növbəti ikitərəfli görüşün keçirilməsi ilə bağlı razılıq əldə olunub.
O qeyd edib ki, sonuncu dəfə Bişkekdə keçirilən “ŞƏT plyus” formatında görüşlər zamanı Ararat Mirzoyanla bir sıra məsələlər ətrafında fikir mübadiləsi aparılıb və növbəti fürsətdə ikitərəfli görüş keçirilməsi barədə razılığa gəlinib.
“Yəni yaxın zamanlarda belə bir görüş baş tuta bilər”, – deyə Ceyhun Bayramov əlavə edib.
