Faiq Şahbazlıya yeni vəzifə verilib

Faiq Şahbazlı yenidən Təhsil Problemləri İnstitutunda vəzifəyə gətirilib
Emin Əmrullayevnin müvafiq əmri ilə Azərbaycan Dövlət Neft və Sənaye Universitetinin nəzdində fəaliyyət göstərən Sənaye və Texnologiya Kollecinin sabiq direktoru Faiq Şahbazlı yeni vəzifəyə təyin edilib.
İLKİNxeber.az informasiya agentliyinin məlumatına görə, ötən ilin sentyabr ayında təqaüdə göndərilən Faiq Şahbazlı yenidən Təhsil Problemləri İnstitutunda direktor müavini vəzifəsinə gətirilib.
Qeyd edilir ki, o, 2015 ci ildə də həmin institutda direktor müavini vəzifəsində çalışıb. Daha sonra 2018 ci il 21 may tarixində verilən əmrlə Təhsil Problemləri İnstitutundakı vəzifəsindən azad olunaraq ADNSU nəzdindəki Sənaye və Texnologiya Kollecinə direktor təyin edilmişdi.
Beləliklə, uzun fasilədən sonra Faiq Şahbazlı yenidən əvvəlki sistemə qaytarılaraq Təhsil Problemləri İnstitutunda rəhbər vəzifədə fəaliyyətini davam etdirəcək.