Ləğv edilmiş Milli Təhlükəsizlik Nazirliyində rəhbər vəzifələrdən birini tutmuş Elçin Quliyev azadlığa çıxıb.
İLKİNxeber.az informasiya agentliyinin məlumatına görə, sabiq general barəsində məhkəmənin təyin etdiyi həbs cəzasının müddəti başa çatıb. O, cəzasını penitensiar müəssisədə tam şəkildə çəkdikdən sonra sərbəst buraxılıb.
Məlumata əsasən, Elçin Quliyev 10 il 6 aylıq azadlıqdan məhrumetmə cəzasını başa vurub. O, həbsdə olduğu müddətdə ciddi rejimli cəzaçəkmə müəssisəsində saxlanılıb.
Qeyd edək ki, keçmiş MTN əməkdaşı 2015-ci ildə aparılan istintaq tədbirləri çərçivəsində cinayət məsuliyyətinə cəlb edilmişdi. Məhkəmə onu bir sıra ağır və xüsusilə ağır cinayətlərdə təqsirli hesab edərək uzunmüddətli həbs cəzasına məhkum etmişdi.
