İlkinxeber.az informasiya agentliyi məlumat verir ki, Azərbaycanda səhiyyə sisteminin idarə olunması ilə bağlı yeni dəyişiklik edilib. Prezidentin imzaladığı Fərmana əsasən, TƏBİB Səhiyyə Nazirliyinin tabeliyinə verilib.
Qeyd edək ki, TƏBİB ləğv edilmir və publik hüquqi şəxs kimi fəaliyyətini davam etdirəcək.
Yeni idarəetmə modelinin səhiyyə sahəsində vahid koordinasiyanın gücləndirilməsinə, qərarların daha operativ qəbuluna və tibb müəssisələri arasında əlaqələrin yaxşılaşdırılmasına xidmət edəcəyi gözlənilir.
Dəyişikliyin əsas məqsədi əhaliyə göstərilən tibbi xidmətlərin keyfiyyətini və əlçatanlığını artırmaq, eləcə də pasiyent məmnunluğunu yüksəltməkdir.
