İcbari Tibbi Sığorta üzrə Xidmətlər Zərfində dəyişiklik edilib.
İLKİNxeber.az xəbər verir ki, bununla bağlı Baş nazir Əli Əsədov müvafiq qərar imzalayıb.
Qərara əsasən, İcbari Tibbi Sığorta üzrə Dövlət Agentliyi tərəfindən təqvim ili ərzində icbari tibbi sığorta fondunun vəsaiti hesabına maliyyələşdirilən sümük iliyi və ya hematopoetik kök hüceyrə transplantasiyalarının say həddi artırılıb.
Belə ki, indiyədək bu əməliyyatlar üzrə illik limit 20 nəfər təşkil etdiyi halda, yeni dəyişikliklə həmin göstərici 50 nəfərə çatdırılıb.
Qeyd edək ki, qərarın məqsədi transplantasiya əməliyyatına ehtiyacı olan daha çox xəstənin müalicəyə çıxış imkanlarını genişləndirmək və onların icbari tibbi sığorta çərçivəsində göstərilən xidmətlərdən yararlanmasını təmin etməkdir.
