Daşkəsəndə güclü sel təsərrüfata ziyan vurdu
İLKİNxeber.az informasiya agentliyinin məlumatına görə, gecə saatlarında yağan güclü yağışlardan sonra Daşkəsən rayon ərazisində sel hadisəsi baş verib və ciddi fəsadlara səbəb olub.
Sel nəticəsində Quşçu kəndi sakini Təhməz Rzayevə məxsus 77 baş xırdabuynuzlu heyvan tələf olub.
Hadisə zamanı bölgədə yol infrastrukturuna da ziyan dəyib, bir sıra kəndlərə gedən yollarda hərəkətdə çətinliklər yaranıb.
Qeyd edək ki, ötən gecə yağan intensiv yağışlar nəticəsində Gəncə şəhəri və ətraf rayonlarda da sel sularının artması müşahidə olunub.
