İran cəmiyyəti xarici təhdidlər qarşısında öz gücünü nümayiş etdirməli, milli ruhu və ictimai həmrəyliyi zəiflədə biləcək fəaliyyətlərdən uzaq durmalıdır.
ilkinxeber.az informasiya agentliyi xəbər verir ki, İranın ali dini lideri Müctəba Xamenei belə bir çağırışla çıxış edib.
Xamenei bildirib ki, ölkənin güc və qüdrəti nümayiş etdirilməli, cəmiyyətdə ümidsizlik yaradan, milli və ictimai ruhu zəiflədən fikirlərdən, eləcə də xəyali ikili standartlardan çəkinmək lazımdır.
O qeyd edib ki, ictimai həmrəyliyə zərər vuran hər hansı fəaliyyətə yol verilməməlidir.
Ali dini lider İran hökumətinə, xüsusilə Prezident Məsud Pezeşkiana təşəkkür edib. Xamenei Pezeşkianın ABŞ tərəfindən tətbiq olunan məhdudiyyət və təzyiqlərə baxmayaraq, dövlətin gücləndirilməsi istiqamətində mühüm addımlar atdığını vurğulayıb.
