Tərtər rayonunda 65 yaşlı kişi su kanalında boğularaq ölüb.
ilkinxeber.az informasiya agentliyi xəbər verir ki, hadisə rayonun Cəmilli kəndində baş verib.
Kənd sakini, 65 yaşlı Ağa Məmmədov Soqovuşan istiqamətindən gələn beton kanaldan su götürmək istəyərkən ehtiyatsızlıqdan suya düşüb.
Onun meyiti bir neçə saat sonra hadisə yerindən bir neçə kilometr aralıda sakinlər tərəfindən aşkarlanıb.
Faktla bağlı araşdırma aparılır.
