Ağsuda meşəni yandıran şəxs saxlanıldı

ilkinxeber.az informasiya agentliyi məlumat verir ki, Ağsu rayonunun Kalva kəndində meşə yanğınına səbəb olan şəxs saxlanılıb.
Sentyabrın 28-də fermaya məxsus həyətyanı sahədə başlayan yanğın daha sonra yaxınlıqdakı meşəlik əraziyə keçib. Nəticədə təxminən 30 hektar sahədə ağac və kol-kos yanıb.
Polis əməkdaşlarının keçirdiyi tədbirlər nəticəsində yanğının ehtiyatsızlıq səbəbindən baş verdiyi müəyyən edilib və hadisə ilə bağlı bir nəfər saxlanılıb.
Fakt üzrə araşdırma davam etdirilir.